View options
Show / emphasize in the text:

TA 1675, Lebenslauf, S. 14

Baerle (Continued from previous page)Informat. on source text markers:
Als Quelle liegt hier folgender Text zugrunde: Baerle, Poemata 1646, S. 507–511. Baerles Gedichte erschienen erstmals in der Stichfolge nach den 12 Monaten, die Sandrart 1645 verlegt hat; vgl. Klemm, Kommentar Viten 1995, S. 808, Anm. 378,13.Christina Posselt, 09/19/2011The beginning of this part of the text is on page 631
Left column
Sulcamus ferro fluvios,portamur ab undis;
dum gelidus solem quaerit in igne senex.
Ponite, mortales, veteris tot nomina cul- paę!
Hic veniens aliis moribus annus eat.

FEBRUARIUS.

EN fervent calidae, coeli sub piscibus, ollae
& dapibus gaudet faeta culina suis.
Cruda jacent passim laxis obsonia mensis.
Materies laudis quanta,Magire, tüae est!
Qui Curios simulant, jam bacchanalia vi- vant,
& stygio vultu dissimulatur homo.
Vera loquor: quisquis ficto sub daemone prodit
stultitiam, multum Daemonis intus ha- bes.

MARTIUS.

MArtius hic à Marte animos & nomina sumit.
Inchoat hoc veteres Itala terra dies.
Ver oritur, pellitque trucis tot taedia vitae,
& captura mari piscibus ampla datur.
Pellitur in scopulos puppis, totum aestuat aequor,
& socio, tonitru, fulmine summa ferit.
Dum medium lampas Titania scindit Olym- pum:
Virtutis medium nos teneamus iter.

APRILIS.

TErribilis coelo vernantem trudit Apri- lem,
Taurus, & adstrictam frigore solvit hu- mum.
Gramina jam campis redeunt, tot floribus hortus
pingitur, & superüm munere ridet ager.
Prima suam Daphnis vocat ad mulctaria Nisam,
dum Violas calathis colligit ille suis.
Sed tu Nisa cave, occultam ne forte per herbam.
tentetinexpertam Daphnis inire viam.

MAJUS.

NUnc, Melibaee, tuae gliscant in Doride flammae,
dumque virent passim prata, virete duo.
Sol est in geminis: gaudent hoc sidere nu- ptae,
& faciles spondent astra benigna thoros.
Coelum, terra, dies omnes noctesque, pro- cantur,
dum tulipam digitis demetit Ida suis.
Lestia cur tacitum nutrit sub pectore vul- nus?
Dissimilis Matri non cupit esse suae.
Right column

JUNIUS.

DUm Cancri chelis Phaebaeos implicat ignes
Signifer, & summum lux vehit alma di- em:
Lanigeras tondet pecudes intonsa sene- ctus,
& nunquam-querulae vellera carpit ovis.
Quas geritis Domini vestes, haec lana fuêre:
Materiam fastûs sordida praebet ovis.
Junius est: assurge puer, dumque aetheris alta.
sol habet, in recti vertice fige pedem.

JULIUS.

POne premit Titan Nemeaei terga leonis,
& ferus exsuccas Sirius urit agros.
Pascua diffusis resecantur gramina cam- pis,
pabulaque hinnitu belliger optat equus.
Nunc pisces fluviis gaudent, falconibus aether,
& spoliis aër totus & unda patet.
At tu, Nympha, tuis pisces quae retibus abdis,
effuge amatoris retia vafra tui.

AUGUSTUS.

TRiptolemi jam dona vides, Cererisque beatae,
quasque ferax messes colligit omnis ager.
Fasciculos Corydon densis adstringit ari- stis,
& tot fasciculis horrea plena tument.
Adspicit haec virgo, & cuperet non virgo vocari,
& foetus etiam gignere posse suos.
Curia, Palladiaeque vacant hoc mense ca- thedrae,
cumque facit tellus maxima, nil facimus.

SEPTEMBER.

LIbra dies noctesque pares suspendit in astris,
& medio Phoebus cerniturire gradu.
Poma dat autumnus, morbisque alimenta ministrat,
Prunaque quam spectas, rustica Chloris amat.
Venatur, Bavarumque duces, Bavarumque juventus,
& fugiens mediis praeda tenetur aquis.
Aëris aura tepet: qui sidera respicis, ignes
concipe, non tepida religione, pios.

OCTOBER.

SCorpius adversi dum spectat sidera Tau- ri,
pone sequi Caprum Phillyridemque videt.
Ecce, novum potat noster silenus Iacchum,
& sociis risum spongia plena facit.
Baerle (Continues on a following page)Informat. on source text markers
Als Quelle liegt hier folgender Text zugrunde: Baerle, Poemata 1646, S. 507–511. Baerles Gedichte erschienen erstmals in der Stichfolge nach den 12 Monaten, die Sandrart 1645 verlegt hat; vgl. Klemm, Kommentar Viten 1995, S. 808, Anm. 378,13.Christina Posselt, 09/19/2011The end of this part of the text is on page 633